朋友介紹的私房中菜館。在火炭工業區，位置偏僻，又是貴租惹的禍，但有好嘢食，遠少少都算。地方闊落，裝修清雅，但樓底唔高，幾嘈下。只可選擇套餐，有幾個選擇，每位$300起，最少兩位。當晚套餐食物唔錯， (菜單在相中) 我尤其欣賞八寶鴨同蟹盒，食物份量好足，食得飽。 後來同另一朋友講起，佢之前一直約我去錦田紅屋食飯，但一直無約到，原來個廚都係吳永皓師傅。有緣的始終會遇到。
電話 : 95881140 / 93003141 (必須預約)
杏汁豬肺湯係我飛佛，幾入味，唔錯
黃金蟹盒，好正，好似將成隻蟹拆開變成舊午餐肉，有埋蟹黃，good
酥炸生蠔 簡簡單單，上層薄薄的炸漿，加點椒鹽，炸得外乾內juicy, 讚！
糯米鴨 不愧為簽名菜，鴨肉鬆軟，糯米加入用糖炒過的粟子，食多幾舊都唔漏，少有。有外賣，過時過節可預訂加餸。
蒸龍蟠鱔 睇得又食得
元蹄 夠稔夠入味，但其實我已好飽。
豆苖扒魚唇 麻麻，菜有點老魚唇有點腥
紅棗糕 都係簽名菜，但唔係我碟糕
泰式菠蘿蝦 大蝦罐頭菠蘿配淡咖哩汁，泰式應該係來自金不換？估唔到有烏冬墊低。
自製辣椒油 我係死硬余均益人，對辣油無感覺，但同枱人個個話好味。
菜單
文章標籤
全站熱搜
留言列表
香港食食食 (25)
