想去光顧知名餐廳，但又窮又要滿足虛榮心，去食lunch係一個好選擇。一個晚間頭盤的價錢就可以食個set，好化算，當然你唔好諗住會食到簽名菜，但都好滿足了。食物環境都好滿意，餐牌有中文，應該係順應潮流，滿足強國人，但亦都適合(英)文盲的我。是日唔多覺有強國人，反而有幾位政經界猛人坐附近。
高樓底配大水晶燈加一列落地玻璃長窗，高貴雅緻，好舒服。最好book 定window seat ，天清氣朗，食得開懷。
開胃菜, 已忘記內容
麵包同牛油都好味，牛油分有鹽同無鹽。見已逝電視巨人的幕後女人連食剩牛油同麵包都包走
頭盤我選鴨肝雲吞栗子湯。鴨肝雲吞同栗子湯都味道濃郁，但大家都唔會搶左對方的味道，好好味。
朋友選的三文魚
我地一行四人，主菜我同其中一友人選法蘭西野豬生菜卷配鴨肝black truffle, 睇餐牌時被野豬吸引，但一上枱，個賣相同想像中差好遠，而且味道好濃，適合配白飯。
友人點的帶子魷魚意大利飯配龍蝦汁泡泡，全部配料剛剛熟，好鮮嫩。好好味。法國菜賣相應該係咁嘛。
三款甜品都好好味，友人點的berry sorbet 味道清新
另一友人點朱古力甜品，mousse ，蛋糕，雪糕加埋哂一齊，好朱古力，朱古力迷會食得好開心
我點左puff, puff 上面淋左朱古力醬同粟子汁，入面包住橘子味沙冰，夠哂豐富，好好味。
最後有coffee or tea, 幾名港女吱吱咋咋過一個悠閒下午, 爽！
文章標籤
全站熱搜
留言列表
香港食食食 (25)
