紅煮意@油麻地 @ Foodie 生活雜誌

到百老匯電影中心睇戲想搵食,若果認為kubrick 輕食唔夠飽，想有舊肉食有骨落地，可選呢間「紅煮意」。地方細細，一眼見哂，開放式廚房，油煙味少不了。廚師one man band,所以餐牌都係簡單食物，但食得出廚師係有心機煮，唔係比d味精嘢你。食過午餐同晚餐，價錢大眾化。午餐食西班牙芝士野菜蛋餅伴沙律，蛋餅軟熟，野菜係節瓜，配即炸薯角同沙律，味道唔錯，可惜份量太少。呢度最衰無即磨咖啡，只好叫杯熱朱古力，係即沖果d。晚餐試過羊扒同牛扒，賣相平實，味道ok，不過以每碟八十幾蚊的價錢，出品好過某d比隻靚碟你的西餐廳。加$18有埋餐湯麵包同飲品，算係咁。餐廳在一樓，唔顯眼，入口在夏銘記麵家隔離的一條樓梯。呢度歡迎包場，20位起，下午茶時段都得，價錢餐點面議，適合搞下小function。

地址 : 油麻地新填地街151號俊逸豪園1樓B座