image  

飛鳥俠

睇戲名以為係英雄片,其實係借一個過氣明星想翻身的故事來諷刺荷里活生態。主角之前因飾演飛鳥俠一角而走紅,後來因為不想被定型,拒絕再演此角色,之後事業走下坡,想借舞台劇翻身。介紹話係黑色喜劇,但劇中每個角色都好sad,成套戲都好黑色,但絕對唔係喜劇。全片大部份在劇院內拍,拍攝手法幾特別,好多時一個鏡頭直落,有時鏡頭跟住角色走,睇的時候都有點置身劇院內的感覺。
 
全片最喜歡男主角同劇評人爭執的一塲。劇評人一語道破荷里活的明星只是名人,並不懂藝術,男主角則挖苦劇評人只懂標籤。題外話 :有時候都覺得好些評論人過火,明白各人有權抒寫意見,但有時是否要去得太盡?見香港某「必食食家」對某些食店給予負評時字句的刻薄,真係懷疑佢人格。雖然好多人唔喜歡佢,但亦有好多人會睇,每人口味不同,就算真係唔合心水都未必需要置人於死地。所以我特別怕極端的評論,始終好多事情當事人係用左好多心機,金錢去建立,你只需輕鬆地寫兩筆就抹去人家的努力,仲要以此為榮。男主角就正正講出呢點。
 
各演員都演得出色,個人一向喜歡Edward Norton,今次佢個角色令我想起Sean Penn. Emma stone對眼大到好恐怖。
arrow
arrow
    全站熱搜

    Hearoom 發表在 痞客邦 留言(0) 人氣()