Foodie 生活雜誌

8/2020光顧

之前來過食lunch，覺得質素好又幾抵食，同朋友再來。點知lunch只serve到兩點，我地兩點至到，雖然餐廳肯照做比我。但其實我都想試餐廳簽名菜焗黃油雞，難得朋友肯同我叫雞，於是放棄午餐散點。食物味道係好的，不過計過度過，都係weekday lunch 抵d。記住係食lunch menu at dinning room，二樓食嗰個set。

8/2020光顧

朋友喜歡食飽魚，見到報紙介紹呢間西洋鮑，一於試下。餐廳喺K11 MUSEA 地庫，細細間，座位係矮枱矮櫈食tea格局，唔係正式餐廳。可能「因為疫情關係」點個二百幾銀的套餐居然有個價值$190的冰鎮鮑魚送。菜式賣相及味道不俗，主打的南非鮑魚雖然細細隻，但厚身有鮑魚味，一分錢一分貨，算係咁。菜式碟頭細，細食的女子應該ok，但我係幹粗活的，一個人食哂圖中所有食物至夠飽。好似我今次兩個人食，食完過去GC再買麵包至夠。

8/2020光顧

7/2020 光顧

7/2020光顧

ZEST 分兩層樓， 28/F食fine dining，29/F食輕食便當。上次試左fine dining 好滿意，今次試埋輕食。29/F 裝修morden ，有露台座位，日頭光線充足舒適，晚上變身成天枱酒吧，好chill。簡單便當都唔馬虎，侍應態度親切，除左食物仲食環境食服務，所以價錢係高少少。

6/2020 光顧

(被海報及食友的會員咭折扣吸引，食完午餐再食晚餐)

5/2010光顧

餐廳在Hotel St.Regis HK ，酒店外型頗特出，但經過幾次都估唔到係酒店，仲要咁細間，同集團一向有氣派的風格好唔同。講番餐廳，The Drawing Room 出名低茶set，但幹粗活的我求飽肚，午餐較適合。午餐分2 course 及 3 course ，包咖啡，今次的餐牌唔多啱心水，食物無驚喜，味道偏淡。不過酒店環境高貴舒適，員工親切服務好，感覺良好，雖然食物水準一般，但太后食完後居然下旨，話要去對面中菜「潤」食點心，臣兒遵旨，即刻碌過對面訂位。唉，其實太后一日到黑乜都話貴，其實骨子裡係貪慕虛榮，唯有臣兒節衣縮食，港足呢位老港女吧😜😜

4/2020 光顧

餐廳在西九龍文化區Art park的其中一個獨立建築內，坐享無敵維景view之餘，旁邊又無建築物阻擋，空間感充裕，好舒服，食物攞碟靚，但味道一般，無細緻感，唔會留下印象。set lunch 分2、3、4 course，咖啡茶要加錢。價錢唔算貴。

4/2020光顧

4/2020光顧

餐廳喺香港藝術館內，環境舒適，食物中規中矩，三百零蚊一個午餐，有靚景睇，舒舒服服，不失為一個好選擇。不過訂位時記得講明訂section 3，否則會比棵大樹遮住海景。

3/2020光顧

3/2020光顧

睇雜誌至知，店名TIRPSE 係英文esprit的調轉寫，背後意思係乜就唔理了，但咁樣會易記d。餐廳在陳豪咖啡店隔離個鋪，行過幾次都唔多覺眼，直至光顧的時侯，原來餐廳入面別有洞天，一列維港景令人心曠神怡。午餐分Exclusive 及Luxury 兩款，我今次食Luxury 套餐，菜式係我近年喜愛的法日料理，質素高的日本食材配合複雜的法式烹調，完美組合。菜式設計有心思，味道好，環境舒適，但侍應水準稍嫌稚嫩，未能配合餐廳質素，可能尚要時間培訓。呢餐幾滿意，轉餐牌後再來😁

​​

2/2020光顧

以名廚作招徠，疫情下的午市都滿座，新晉火紅餐廳。試左入門版午餐，四道菜，菜式為現代法國菜，食材大部份法國入口，用料矜貴。主廚生於南美，有意大利血統，加上於歐洲工作多年，所以創作多元化。餐廳氣氛輕鬆，菜式擺碟簡單，食味唔複雜。不過分量的式，唔飽肚。餐廳提供4 course 及 6 course，餐牌好在唔使揀，食4 course 只提供菜式後面有星的。6 course 就食哂全個menu。餐單內有煎鵝肝，無論食4 course 及 6 course都要加錢。 開業時只有6 course，$560，真抵食。可能生意太好，即加價。

2/2020光顧

近排香港開左好多靚西餐廳，排隊食都有排食，今次呢間開左一排，終於揾到機會食。餐廳雖然喺商厦內，但樓底高，配一列落地玻璃，不覺焗促，裝修清雅唔複雜，感覺舒適。菜式風格係法式料理加入日本元素，日式調味，配上北歐香草，近年時興。配搭有心思，味道協調，份量足，雖則價錢唔平，但物有所值。侍應介紹菜式時睇得出對煮食有熱誠，一問之下，原來佢之前都係做廚，而家轉做樓面，難怪介紹餐點時唔會背書咁背。

2/2020光顧

2/2020光顧

中環安蘭街18號食厦名店匯聚，今次又係食西餐。午餐包頭盤、主菜及甜品或咖啡，睇清楚係「或」，若要甜品及咖啡，要加錢。菜式配搭有特色，味道不俗但唔突出。聽講餐廳的招牌菜係gnocchi，但我今次無食，希望日後有機會試下。

1/2020光顧

對獨立經營的樓上小店情有獨鍾，今次選的餐廳，介紹話廚師由澳洲回流，又試下。午餐有湯、頭盤、主菜、甜品加埋咖啡，埋單唔使四舊，以中環來講，真係唔算貴。菜式唔算特別，熟口熟面的餐牌，不過食得出係用心煮，食材質素不俗，經理Andy服務細心體貼，一問之下，原來喺酒店業服務多年，難怪。

11/2019光顧

9/2019 光顧