4/2018光顧
應該係葵芳最好的拉麵 ，因為葵芳好似得一間拉麵店😜。因為餐廳喺電梯底，開放式，所以一向無想過要食，見駕駛員喜歡食拉麵，陪下佢。入座後見到介紹係由涉谷來的過江龍，(好似所有拉麵都在香港開分店咁)，我唔知佢有乜特色，只知道味道麻麻，湯底、叉燒同蛋都唔得，只有麵條不俗， 試過就算。
目前分類：日本餐-拉麵/烏冬 (37)
- Jun 08 Fri 2018 09:37
俺流塩 らーめん@葵芳新都會廣場
- Apr 10 Tue 2018 00:35
魂拉麵@太子
2/2018光顧
之前餐廳在銅鑼灣，食過覺得唔錯，想再幫襯，但因為餐廳只得8個位，次次都要排長龍，結果放棄。原來因爲加租，餐廳已搬左去太子大半年。地方大左，坐位又多左。仍然係4款口味的湯底，以濃豚骨湯做膽，另外三款分別加入菠菜、墨魚汁及蕃茄汁，配料都同一般拉麵有點分別，屬於fusion類拉麵，但比我的感覺又唔會好港式，不俗。
- Mar 31 Sat 2018 11:38
豚豚拍子屋@尖沙咀
1/2018 光顧
又一間新瓶舊酒的拉麵店，之前係DOMON，N年前最喜歡來食炒豬肝，後來分店漸多，水準愈見低落。今次換形象重開，餐牌選擇多，加多個日本師傅，又被新聞稿吸引左。拉麵普通，食完都唔會有印象。反而餃子更吸引。有儲點咭，唔知道只食餃子可唔可以當一個印？
- Sep 03 Sun 2017 17:55
鰹烏冬@觀塘開源道駱駝漆大廈
- Mar 07 Tue 2017 23:16
拉麵軍團@筲箕灣
11/2016光顧
一條東大街上有好幾間拉麵店，見呢間門面唔錯，入去試下。裝飾好有日本feel，但拉麵的湯底只可以用唔湯唔水來形容，我點的豬骨湯拉麵，朋友點黑蒜豬骨湯拉麵，味道就似濃骨湯溝左水，你話佢無味又唔係，總之就係半桶水咁，我係淡味人就覺得可以，但濃味人朋友就唔收貨。豚肉有叉燒同腩肉，做得唔錯，夠入味軟稔。煎餃子饀料好多，但外皮煎得唔脆，總之咩都好似差緊d，係個沙律菜幾新鮮。呢間我會列為港式拉麵鋪，唔難食，但要光顧就唔好有高要求。
- Sep 01 Thu 2016 00:15
八沢@筲箕灣
4/2016光顧
總共有四碗麵，我只食左圖一果個簽名菜 :黑松露忌廉海鮮烏冬，即係白色果碗。烏冬叫做有咬口，不過同忌廉湯唔多夾，加上元貝同三文魚，不日不西，味道唔係差，只係加埋就唔夾，覺得怪怪地，可能我老人家唔多接受新事物。朋友們點的食物賣相都唔錯，評語都話幾好食，不過連加一要八、九十蚊一碗，幾貴。值得一提的係呢度的年輕侍應們好有禮貌，笑容滿面，值得一讚！
- May 03 Tue 2016 00:09
稻庭養助@紅磡
2/2016光顧
拉麵同烏冬都係日本麵食，個人喜歡烏冬多d，在香港的烏冬店就比拉麵店低調得多。稻庭養助係我會回頭的烏冬店，烏冬用稻庭烏冬，滑得來有咬口，有水準。店子話就話以烏冬掛帥，實質係一間居酒屋，刺身、串燒、小食、鍋料理、天婦羅都有，選擇多，出品都唔錯。店子不經不覺已開業兩年，初幫襯時諗住鋪頭捱唔住，因為對比附近店鋪價位明顯較高，但又唔係開在黃埔花園內，最近幫襯至知再續約兩年，但店主都嘆租金高，經營難，希望小店能繼續下去。
- Mar 02 Wed 2016 23:04
Testu@銅鑼灣(CLOSED)
11/2015 光顧
新來港的拉麵店，標榜沾麵著名，又試下。沾麵似廣東的撈麵，一碗麵加一碗湯汁，湯汁入面有叉燒、筍、葱等配料。沾麵的麵條比拉麵粗，呢度的都係肥嘟嘟，但唔夠彈牙。湯汁唔夠濃，唔得掛麵，配料少得可憐，(可以加錢加配料)叉燒鞋口，好在湯汁食完唔太口渴。麵的份量可選普通或大，大碗不需另外加錢。圖中的係普通份量。麵的温度都有得選，分普通同熱，我覺得好奇怪，又唔係寫冷麵，咩為之普通？問下小姐，佢話係暖同熱的分別。咁麵就梗係熱食，就點熱。點之來到時麵係被熱水浸住，係熱水，唔係湯，可能我大鄉里，真係無見過，感覺怪怪的，又唔可以換，唯有叫小姐幫我倒左d水。坐我隔離的食客應該有同樣疑問，（I'm not alone !) 聽佢問完至知原來選普通即係麵條會過冷河，所以會無咁熱，又學多樣嘢。呢度仲有樣特別 : 就係當你嫌碗湯唔夠熱時，可以order舊熱石加入湯，整番熱碗湯，我就覺得係gimmic嘢，食碗麵唔通食一個鐘咩，不過見到鄰坐的姐姐仔點左又玩左，因為佢絕對有此需要，影相的時間耐過食，食得來湯都凍哂了。
- Aug 01 Sat 2015 07:07
Tokyo Aqura@灣仔(CLOSED)
- Jan 31 Sat 2015 15:33
稻。拉麵@官塘(CLOSED)
之前尖沙咀akura的拉麵唔錯，最近經過見轉手。睇雜誌話原來過左呢間做顧問。一條友，試左白雞湯魚介叉燒麵，湯頭清甜，拉麵來講叫清淡。拉麵有咬口，叉燒係五花腩，肥糕豬肉各半，燒烤過，好香口。不過跟麵上得半隻蛋，無紫菜，紫菜要另加$10,孤寒左d。
- May 16 Fri 2014 18:26
餐廳 : 稻庭養助@紅磡
香港的拉麵店片地開花，但烏冬店反而少。我愛烏冬多於拉麵，但自從至愛的深井烏冬店關門後，好多年無找到像樣的烏冬店。這店是日本師傅主理，當晚見很好同鄉光顧，除左烏冬，亦有燒物及其他食品。
當日點菜 :
香港食食食 (25)
