Foodie 生活雜誌

1/2018光顧

1/2018 光顧

一向對麻辣火鍋的印像係負面的，自從多年前食過寧記，麻到苦的味道至今仍然記得，所以一向無興趣，不過朋友提議，唔想掃興就姑且試下。餐廳裝修高雅，食物選擇貴精不貴多，麻辣湯底係主角，用蔬果藥材香料熬成，味道香辣中帶甜，可以當湯飲，唔似重慶麻辣鍋的重口味。食材新鮮，簽名菜鴨血果凍幼滑彈牙，某些食材侍應會提供食法，希望能夠盡量發揮食材的優點，食物分批上，店方希望食客能夠慢慢品嘗美食，感覺好似食緊火鍋中的fine dining 一樣。食物主要以湯提味，無提供任何調味料，因為根本唔需要。若你食開廣東火鍋可能會嫌餐廳選擇少及做作，而且價錢唔平，不過湯底及鴨血幾獨特，值得一試。我地當晚海鮮只點左蠔，因為海鮮通常取其鮮味，若落左麻辣湯就覺得浪費左 。

1/2018光顧

原來荃灣的二坡坊係咁熱鬧，成條街都係火鍋店。朋友揀左澳門仔，茶餐廳格局，湯底選擇多，可惜當日無牛雜鍋。食材新鮮度一般，環境非常一般，最突出係杯大檸七，試過就算。

12/2017光顧

11/2017 光顧

家陣食火鍋真係好多選擇，材料新鮮係必然，相機食先更重要，就好似呢間火鍋店，餐具及擺碟都好浮誇，好彩睇得又食得。材料新鮮，食物有新意。若果唔點海鮮，價錢都可以接受。不過限時交枱，用餐時間分兩輪，6-9同9點後，有點掃興。

(獨立房間，坐得舒服，走來走去都唔怕失禮。)

5/2017光顧

2/2017 ,4/2017 光顧

無去一排，點知居然短期內食左兩次。之前係散點，呢兩次食任點任食套餐。我地係平日8:30後去，每人$298，選左粥底，燉湯每人一盅，再選每人半隻龍蝦半隻乳鴿，自選海鮮任選四款，再有蔬菜牛肉任點任食，一定食得飽。海鮮及其他食物質素唔差，又有專人服侍，最扺係啤酒汽水任飲，要知道有時同飲得之人一齊食飯，條啤酒數都幾襟計。計埋加一茶介大約每位$350左右，我就覺得食得過。不過暫時唔使再食住😅

2/2017光顧 新三得火鍋海鮮酒家@九龍城

食飯前幾日分別聽到兩班朋友都喺度食，心想係咪真係咁好食？食過後知道原來真係唔錯。我地人多，坐樓上房間，唔太迫夾，點左好多食物，全部食材料靚新鮮，食得暢快，價錢就當然唔平，不過家下打個邊爐都要幾舊水落樓，又係果句，覺得值就算。

11/2016光顧
朋友在澳門本店食過，覺得好好食，見香港開分店，特別約我地一齊去試。點左招牌膏蟹花甲湯底，一上枱，朋友已經話比澳門店的份量少一半，其他配料都新鮮，但價錢實在唔平，呢個價錢，大把選擇，我唔會揀呢度。下次都係約朋友試澳門總店好過。餐廳服務好好，可能因為客人唔多，侍應非常殷勤，搞到朋友覺得有點煩。

10/2016光顧

家下打邊爐同以前好唔同，配料豐富，材料新鮮，換來當然係價錢愈來愈貴。印象中近幾年打邊爐每餐都起碼三舊，食埋海鮮無五舊落唔到樓。基本上中價的火煱店水準都差不多，大家都係鬥碟牛。講番今次呢間，花款多，湯底好味，價錢合理，獨立房間無最低消費。餐廳叫牛精皇，碟牛應該係好得，但我就覺得普通。

7/2016 光顧

睇過好多介紹讚到天上有地下無，覺得係鱔稿，無理。點知有日朋友講開話真係正嘢，有人有真相，咁就放心去試。

12/2015 光顧

又係呢期流行的蒸海鮮。呢度唯一優勢係價錢平，不過一分錢一分貨，用料亦會遜色d。地方迫夾，要自己動手，即係時時要留意住時間，頭幾round覺得幾有趣，搞多幾次就麻煩，始終出街食都係想有人服務，揀呢度係因為唔限時，一班朋友可以慢慢坐，不過試過就算。

7/2015 

慕名一試此店的牛雜湯底，足料，味精不太重，鍋底放有一個架隔住，讓食物不會黏著底，夠細心。響鈴是即炸，不用放湯，立即吃亦可口。其他食物都是一般貴價火鍋的料子，無特別，反而最令他們自豪的牛肉就不合格，油脂不夠，肉質靱。這裡的侍應主力推銷昂貴食材，其中侍應提議我點一活魚刺身，我説不吃生，他居然叫我用來打邊爐(！)我即時覺得自己變了條被劏的魚！後來看到日本雜誌亦有介紹此店，難怪.......