Foodie 生活雜誌

新派中菜廳，點心睇得又食得，水準不俗，價錢合理，可以一試👍🏻除左中環同尖沙咀店，最近見到荃灣都有開店，唔知水準如何？

11/2017光顧

11/2017光顧

10/2017 光顧

新派中菜廳，地方雅緻，招呼好，點心精緻，食物味道好，但食完有點口渴，價錢貴，剩係個海景加兩舊，加上用熨斗熨枱布，加多三舊。

9/2017光顧

午市點心套餐，有25款選擇，包括點心、前菜、燒味、例湯、粥粉麵及甜品，任點任食。款款足料好味，25款中試左17款，除左口水雞之外，其餘全部都唔錯。價錢係稍貴，但酒店內的中菜廳，環境舒適，服務好，而且一個價錢預左，有數為，唔使就住就住點。點心套餐$308一位，3至12歲小童半價，茶錢每位$20，另加一。

8/2017 光顧

7/2017光顧

(酒家位於繁忙的彌敦道地庫，以前電話接收麻麻，而家無問題了。)

5/2017 光顧

龍皇算係我比較多去飲茶的地方，因為地點適中，食完去行街最好，點心味道唔錯，以質素計又唔算太貴。通常點黑松露餃（澄麵有咬口，翠玉瓜饀料好味）、蟹肉灌湯餃（$48算扺食，湯濃料足）、蛋白杏仁茶、XO醬炒腸粉。今次點的楊枝甘露好足料，不過豆苗餃個皮厚過我面皮。仲要不幸地食到豉油王炒麵入面有隻小強，咁退單係基本，我又無特別嘈，都明白人生總會遇到一次半次呢類事件，不過部長係咁道歉，又主動送左個甜品同兩張$50 coupon (即係又要幫襯)?叫做有d 誠意。

(相中只有部份點心)

(餐廳在二樓，地下門面細細)

5/2017 光顧

好耐無來過，水準依舊不俗，不過點心選擇少，以小食為主，多數係頂點或廚部，價錢比附近的酒樓貴一點，所以較易揾位。鹵水唔錯，今次亮點係鹵水鵝肝，肥美甘香，正👍🏻

4/2017光顧

利苑點心的水準我只能用一落千丈去形容，價錢貴味道普通，完全唔值，以前我成日幫襯，而家咁多選擇，唔使揀佢。

3/2017光顧

好耐之前曾來過飲茶，印象唔錯，但之後每次想來都無位，呢日居然walk in 有位，不過都要坐隔離同集團的西餐廳坎公館，點心就點阿一的。點心用料好，黃沙豬潤腸又鮮又滑、鮑汁鴨腳夠稔夠入味、炒飯乾身，粒粒分明、燒賣足料漲爆、蛋白杏仁茶蛋白滑杏仁香，蟹肉魚翅灌湯餃高湯清甜但以價錢計份量太少。招呼好好，環境舒適，呢餐唔好問我幾錢，只能透露個灌湯餃係$148，好Q貴。

2/2017光顧

尖沙咀好多飲茶的地方，有興趣試的都試過，睇左好耐結果揀呢間。酒店內的餐廳環境一定唔差，但估唔到侍應們個個黑口黑面，忍唔住問其中一個係咪唔舒服，問完佢至變臉比番d笑容。我唔係要人賣笑，但都唔好黑面吖。明知係上海菜，唔會期望有太多粵式點心，食物同好多餐廳一樣咁的式，味道普通，長輩們唔多buy，直至見到碟炒麵至識笑，唔因爲好食，係因為夠大碟，笑死我🤣曾經來食晚飯唔錯，估唔到飲茶唔得，一定唔會再來。

3/2017光顧

去粉嶺踩單車，朋友帶我來屋邨小食亭飲茶，好有懷舊感覺。時代進步，以往小時候的開放式冬菇亭已不復見，記得小時候冬菇亭就似現時的food court，喺某店坐低後，可以再喺其他店買嘢食，選擇多，自己又可以走來走去，好開心 （而家至明白自己當年四圍走係幾煩）。講番呢間，其實已經唔係亭，係小屋，點心去counter 攞，呀姐遂個蒸籠揭開揀，似尋寶，幾過癮。小店半自助形式，有人幫手沖茶。地方頗整潔，點心選擇多，味道唔錯，水準比起某些連鎖集團更好。仲有我最愛的懷舊點心鵪鶉蛋燒賣，整體比我想像中好。

(先圖後字)

1/2017 光顧 明珠閣@沙田

10/2015光顧 

沙田凱悅酒店中菜廳。open kitchen設計，中菜少見，點心選擇唔多但精緻有心思。地方大，寬敞舒適，有室外雅座，找一個風和日麗的中午來嘆下，之後過隔離中大行下，一個唔錯的節目，不過價錢唔平，若好似我咁鍾意四圍試的可以試下，否則同等價錢，大把選擇，唔使山長水遠入來。

(新派中菜，走時尚型格路線)

8/2015 光顧

(炸子雞  水準仍然keep到，皮脆雞滑)