Foodie 生活雜誌

3/2017 光顧

泰國菜食下食下好似間間味道差不多。今餐都係點例牌的串燒、柚子沙律之類，食物足料味道ok，普普通通但唔會伏。其中碟黃薑雞唔得，碎濕濕，反而海鮮冬蔭公湯放左隻蠔落去成為亮點。

2/2017 光顧

2/2017光顧

保安道街市熟食市場內的檔口，要襯天涼去，夏天太熱，一定頂唔住。檔口開在一角，晚上幾靜，相反另一角的火鍋店就人氣沸騰。檔口提供一般泰國菜的餐單，價錢實惠。點左海南雞飯，馬拉盞炒通菜及咸魚炒飯，整體來講味道較淡，但對於我就剛剛好。不過後來食開的朋友話佢為左遷就港人先淡口d，其實落單時可以要求原味。呢度的海南雞飯較特別，因為碟飯好熱！

1/2017光顧 昌發泰國粉麵屋@九龍城

新精頭想簡簡單單，唔想食中菜，不如食泰菜。點碗鴨肉湯河，等左九年都未嚟，對家碟飯都食完，諗住應該係精心製作，無死（智障式思維）點知來到湯淡鴨肉鞋，反高潮，反而朋友的咸魚炒飯好香口，幾好食。 九龍城咁多泰菜，又可以去少間了。

(鴨肉河得個咸字，雖然唔係死咸，但無左平日鴨肉湯河陣藥材味，咁有齊蘿蔔鴨紅芽菜，總叫合格。)

5/2016 光顧 

呢篇一雞兩味，有食有玩。N年無去過梅窩，之前只知熟食市場有嘢食，原來巴士站附近除左麥當勞之外，都有好幾間食店。朋友介紹羅馬餐廳，話抵食夾大件，我因為踩完單車想食點簡單的，選左羅馬餐廳後面的泰品屋。午餐好抵食，炒粉飯餐$43連飲品，湯麵餐$35連飲品，仲要份量足，不過味道就一般啦。去開梅窩的朋友，若想平平地輕鬆一餐，不妨一試。

(去骨海南雞飯 雞嫩滑，可惜飯同雞都無咩味，要靠碟汁幫手)

 4/2016 光顧 

2/2016 光顧 泰滋味@藍田 

朋友唔講都唔知啓田商場內有呢間泰國菜小店。簡簡單單食個冬蔭功魚蛋湯河 (普通湯減$10），作為麵底，冬蔭功湯頭味道温和唔太搶，河粉頗滑，合格。朋友食個海南雞飯，去骨雞肉頗滑，不過當晚油飯賣哂，差緊d

新開業時見雜誌好多廣告，咁啱朋友提議來。鋪頭分兩層，一行8人被安排坐閣樓，地方簡單但清潔整齊。同枱幾位德高望重人士唔食辣(早響就唔食泰國菜）唯有點唔辣的，可能因為咁而食物大打折扣，食物味道較淡，到喉唔到肺咁

2/2016光顧

德田邨樓下的小店。抵食夾大件，但食物就麻麻，睇d顏色就知。小店生意唔錯，街坊生意，簡單一餐飯，唔好要求太多。

2/2016 光顧 

開左N年，N年前都常去幫襯。但人就係貪新鮮，太多新店，太少時間，漸漸遺忘此店。最近朋友提起再去，相中食物都係食泰菜會食的，味道仍然重手，唔會遷就本地人，唔知咁係咪叫地道，總之就係N年無來都無走樣，味道唔錯囉。值得一提係個青檸牛肉，牛肉嫩滑，配酸酸的青檸汁加蔬菜，醒胃！侍應哥哥仔果然無介紹錯😍

(不易找的入口)

9/2015光顧

9/2015光顧

此店若只係睇裝修，簡直係觀塘區的清泉。位置偏僻，在聯安街盡頭，出地鐵站要行一段路，有一小截仲係斜路。店子好有泰國spa feel，後欄封左做温室茶座，乾淨企理，好relax。可惜食物未能配合，不過話哂新開業，應該未run 順。全店上下員工都好緊張，服務殷勤，係咁問意見，希望佢地繼續進步，唔好白費心機。有機會再來

9/2015  光顧

睇住間店裝修，以為又係小清新coffee shop，點知爆冷，居然係食泰國菜！正確嚟講係西式加泰式。初開業時有早餐，試過之後10個把鬼，呢個區賣四十幾銀一個早餐居然仲連杯咖啡都沖唔好！連post都懶得出，心裡咒罵又係得個樣的餐廳。之後餐廳只開午市及晚市(莫非知道早餐實在太難食？)，有時見晚飯都要等位，牛頭角工廠區較少見。今次幫襯係因為落大雨，實在無得揀之下的選擇。世事就係咁，在無期下反而覺得唔錯，起碼唔難食，set lunch 擺碟靚靚食物ok，不過份量少，以呢區嚟計係幾貴，可能會喺下一次無選擇的日子再食。

6/2015  光顧

印象中曾有好評的店。平日到來都有一半滿座，大部份是港人，心想應該不錯。

沙律拼盤共有三款 : 蟹肉柚子，味道不俗，只嫌蝦乾較多。青蘋果豬頸肉，味道很好，青甜的蘋果配上辣汁及微烤的豬頸肉，清新美味。青木瓜沙律則無特別。

去過好多次，要食的都食過哂，未點過的亦唔會點，食物夠地道，價錢又唔貴，做街坊生意。只去舊鋪，不過近年食物真係縮哂水，而且因為等位太耐，都少左幫襯。今次兩條友，叫個雞飯同鴨肉河，簡單好味又一餐。佢送的芋頭西米露都味！