Foodie 生活雜誌

1/2022光顧

1/2022

noc係我欣賞的咖啡店，幫襯多年，如今遍地開花，分店開到將軍澳都有。剛開業時好墟撼，如今熱情冷卻，直入就有位。cafe 風格跟其他分店相同，一室白與灰，一貫簡約，空間大，落地玻璃自然光透入，好舒服。cafe 加餐廳，有多款食物提供，食材好，咖啡香，係區內cafe的好選擇。

12/2021光顧

11/2021光顧

餐廳於橫街内，集酒吧、cafe、餐廳於一身，裝修靚，氣氛幾好的餐廳，我無食嘢，飲左杯咖啡hea左兩粒鐘，幾舒服，係音樂大聲左d。

11/2021光顧

9/2021光顧

飲手沖咖啡，我徧好坐吧枱，可以同咖啡師學下嘢。深水埗cafe開到成行成市，無可能間間試，只靠感覺選店好了。呢間喺我去開的店隔離，睇住佢開張，感覺對咖啡較認真的cafe。當日都係坐吧枱，同咖啡師傾開，話佢沖左10年咖啡，問佢悶唔悶，佢話有時都會悶，所以會沖不同的咖啡豆。咖啡世界好大，不同豆有不同處理方法，每次同咖啡師傾偈都似上堂，雖然次次聽完都唔記得，但過程係有趣味的。

9/2021光顧

經過買杯咖啡飲，見到menu 有款Blackcinno，未見過，多口請教下店員，但店員冷冰冰冰的答左句唔知乜，我見佢咁cool都唔敢再問。點知轉頭佢見到熟客就笑口噬噬，明白原來店員唔係生出來玄壇咁面，係要對熟客至笑。可能我額頭鑿住唔會再幫襯，亦因為咁，我都唔會再幫襯。

8/2021光顧

之前經過覺得小店幾有日本下町cafe feel，後來知道店家喺九龍城有分店，先幫襯九龍城店，試過之後覺得出品唔錯，今次試埋西環店。兩店風格好唔同，九龍城店係酒吧cafe加餐廳混合體，西環店係文青feel，襯番學校區。當日的食物及飲品都唔錯，環境舒適，就算坐滿人都唔覺得有壓迫感，不俗的cafe。

8/2021 光顧

Cafe 裝修充滿日本襌意，有埋幅枯山水，好有意境，似茶室多過似飲咖啡。但我第一個感覺係 ：唔好坐。坐位全部靠牆單邊位，似茶室的setting，但好睇唔好使，枱仔細細，飲杯嘢就無問題，若食埋嘢就唔夠擺，要加張櫈，無哂feel。我都係慕名而去食tiramisu，蛋糕係合格的，但唔使特登去食囉。

8/2021光顧

好多cafe都開11點，對於晨型人的我唔多啱，呢間開8點就合心水了。食物及飲品選擇多，手沖咖啡都有8款揀，餐點大大份，味道不俗。落單全部電腦化，好方便。不過餐廳又係限時個半鐘，因為我10點就坐低，坐到12點都未叫我走，不過我見客人漸多，都醒水打算走人，點知侍應行過木口木面地放低張單叫我埋單，呢下我有點反感，不過香港就係咁，唔鍾意唔好幫襯吖笨😜

7/2021光顧

去大圍揾食，見到呢間cafe幾骨子，加上以蛋做主題，啱哂愛食蛋料理的我。定食味道普通，同food court 出品差不多，反而吐司同甜品賣相靚，啱晒打咭。餐廳好㕵場，平日下午都坐滿，客人輪流轉，假日應該又係長龍店。

6/2021 光顧

5/2021 光顧

咖啡店都有潮流，之前係北歐feel，近排興日系咖啡店。行過見到呢間幾骨子，入去飲杯啡。cafe 合我心水，有飲有食，裝修及用具都幾靚，有機會來食個餐。

5/2021光顧

5/2021光顧

去九龍城買餸順便揾間cafe食早餐，九龍城基本上每條街都有cafe，試過幾間都無乜回頭意慾，不如試新嘢。經過見到呢間幾靚，日系咖啡店，無論裝修用具及餐具都有精品的感覺，餐點頗多素食選擇，配搭幾有趣，多款咖啡提供，奶啡、手沖、虹吸、特飲都有。食物同咖啡都唔錯，但好多人幫襯，晨早去到已爆滿，想去第二次都要諗諗。

5/2021光顧

荔枝角D2 一帶好熱鬧，好多餐廳，但我一向怕人多，寧願行多幾步去呢間路盡頭，較寧靜的小cafe。cafe一室的白與木，插畫及植物牆的裝置，好清新。細細間，幾個女孩子主理，提供簡單餐點，咖啡味道不俗，做完運動過來坐下，好舒服。

5/2021 光顧

5/2021 光顧

後街内的咖啡店，行過見到無人，正合朕意。小店賣咖啡又賣咖啡豆，成座炒豆機放枱面，唔打得都睇得。一杯手沖咖啡幾十蚊，有得揀隻靚杯，幾十蚊有得飲有得玩，聞住咖啡香，店內仲係小畫廊，有畫寄賣，歇腳好地方。

5/2021 光顧

餐牌提供素食，我對素食無乜興趣，硬係覺得少舊肉唔夠飽(勞動階層係咁) 但cafe 出品的擺盤靚，顏色鮮艷，食材多又好，食得幾滿足，太后都滿意，仲話 :「平平地食呢d都幾好吖」我望一望佢，話：「勁喎，而家百零蚊碟麵包都話平」，見佢定左半秒，無出聲繼續食，太后終於成熟了。(以前乜都話貴，百彈齋主，搞到我好無癮)

5/2021光顧