Foodie 生活雜誌

1/2023光顧

呢間算係熱門的cafe，標榜三文治同咖啡都有tailoring menu，我就覺得係gimmic嘢，所以一直無幫襯，但今次去到圓方，無選擇之下就幫襯了。cafe無座位，只供外賣，好少見商場鋪係咁。

12/2022 光顧

咪睇佢個名係咖啡店，其實骨子裡係whisky bar，入到去一大幅威士忌牆，咖啡反而成為配角。我係歇下腳飲杯咖啡，長黑濃淡合度。好有型的店，無論你喜歡飲whisky或咖啡都可以一試。

12/2022光顧

睇店名就知道係來食麵包。琳瑯滿目的三文治及pastry，梗有一樣啱心水。我點左雜菜quiche及燒牛肉三文治，食材質素好，出品就自然好囉。雖然類似的餐廳有好多，呢間唔算突出，但難得太后喜歡，都算有優點。

12/2022光顧

餐廳喺天后廟道，離開熱鬧的大坑及清風街，感覺寧靜舒服。餐牌分早、午餐及甜品，菜式選擇多，食物及咖啡的出品不俗，而且餐廳開得早，啱哂我呢個晨型人。

11/2022 光顧

每次行過都見到有人食，但又未去到要排隊，目測食物出品唔錯，又試下。疏乎里pancake唔錯，有空氣感又有點蛋味，pancake burger 幾得意，出品水準幾好，叫做試過。

12/2022光顧

灣仔真係唔講得笑，咖啡店車輪轉咁又開又關，同一條街，街頭的cupping room 變左burger 店，mansons lot搬左鋪位，再有兩間新開，似打四圈後執位。呢間就係其中一間新開店。行過見到幾的式，遲於歇腳cafe feel，主理人話做左咖啡trading 十幾年，炒豆、賣豆，培訓，為市面上好多咖啡店供豆，除左種豆之外乜都做，最近開間門市過下癮。黑啡味道較濃，但可接受。講到咁尊業，有機會應該來試下手沖。

11/2022光顧

cafe 遍地開花，估唔到的地方都會開。呢間開喺葵芳邨內，喺隔離左右的街坊店群內好突出。初初知道葵芳又有cafe開，諗住又係玩玩下的家家酒cafe，無諗過去，不過諗住之後比較少過呢區，所以來試下，點知原來又唔錯喎，cafe喺邨內一角，環境幾幽靜，室內佈置舒適，黑咖啡唔錯。目測其他人點的食物都可以，喺呢區出入的朋友可以試下。

10/2022 光顧

靚靚打咭cafe，行有機環保路線，有零售店中店。重點打咭位係裝修成campsite一樣的閣樓，至於餐飲部出品就一般，適合影相的cafe。好處係無趕我走，同朋友傾足三小時，爽YY。

9/2022光顧

餐廳位置較偏，但粉色加幾何圖形的門面，喺一列刻板辦公室大樓的大街上尤其突出，行過幾次，印象深刻。今次飲左杯手沖咖啡，味道不俗，環境清靜濶落，幾好坐。目測隔離枱的餐點不俗，不過見到開飯網一面倒的食評就有點戒心。

8/2022 光顧

之前餐廳喺銅鑼灣，行過睇完餐牌都曾經想幫襯，但覺得地方較迫夾，而且喺大街，感覺太繁喧，最後都走左。知道小店搬左去佐敦，加上有foodie友加持，揾左個星期日試下。無論環境、食物及裝修都不俗，餐牌幾吸引，幾款食物都想試，不過全部都幾大份，作為早餐會幾heavy，不妨當brunch 食。餐廳好多人幫襯，最好訂位。

8/2022 光顧

聽講cafe 有位攞獎咖啡師，咖啡好好飲，當日無見到攞獎咖啡師，不過無乜所謂，除非兩個咖啡師同時沖同一隻豆至可飲到分別，所以好飲就得了。當日點左杯手沖，花果味好出。cafe喺電車路，地點就腳，唔使行上山。沖得好飲又就腳的咖啡店唔多呢。

7/2022

食完餃子飲咖啡，喺開飯網見到呢間較啱心水 。店子細細，一男一女看店，男的負責廚房，女的負責水吧，仲要顧埋外場及外賣，二人忙得不亦樂乎。小店提供一般cafe大路食品如all day breakfast及簡單意粉，目測食物出品都算有質素，蛋捲係街外貨，咖啡普通，唔知係咪又一間追夢cafe呢？無論如何，小店都係我的優先選擇👍🏻

7/2022光顧

諗住都係打咭cafe，無諗過幫襯，但佢係少數開8:00的cafe，最啱我呢類晨型人，結果成為坐上客。cafe唔錯喎，裝修靚靚，冷氣充足，價錢實惠，食價比高的cafe，可以再來。

7/2022光顧

又一間日本木系水泥裝修的餐廳，唔知點解總係被呢類裝修吸引。餐廳有正餐又開到晚上10點幾，所以我將佢歸類為餐廳，係提供到一杯認真點的咖啡的餐廳。食物及咖啡質素一般，侍應比較cool。荃灣區cafe競爭愈來愈多，除左我去開的Alchemy Espresso之外，對面商場內剛剛又開左NOC，唔知愈開愈濫的cupping room幾時插旗呢？咁樣對於我等消費者有好處，可分散人流，但質素卻愈來愈向下滑☹️

6/2022光顧

6/2022光顧

喺咖啡店未開到多過七仔的時候，呢間係我的心水之一。不過有次去完南豐紗廠的KoKo Espresso，味道強差人意，之後就再無幫襯，反正cafe一街都係，無謂再搏。路經中環登山電梯，斜路望上去有blue bottle 、APT、zero、cupping room同呢間，結果選呢間，因為裝修仍然比到我專業的感覺。今次又覺得唔錯喎，日後又可以繼續幫襯了。

6/2022光顧

6/2022光顧

6/2022光顧

近年多左好多「過海龍」cafe，之前中上環創業的都開過來九龍。呢間我喺上環店幫襯過幾次，水準不俗，來到九龍，當然要試下，點知食到一肚氣，食價比低，食物質素欠佳，無下次。餐廳開左好幾閒分店，莫非兼顧唔到，搞到質素下降？不過唔止佢，cupping room, knock box 都有呢個問題。反而暫時NOC 及Espresso Alchemy 就keep到。

5/2022光顧

周街cafe，唔通間間都好咩？已經對cafe無乜期望，求其就腳好座就算，感覺良好咪點杯手沖，否則就點杯黑啡，至於食物，更加隨緣了。呢間咖啡店門面靚仔，裝修清新，地方寬敞，冷氣再大點會更好。