Foodie 生活雜誌

疫情期間經過，當時仲裝修緊，如今復常，突然想起佢。餐廳裝修似韓屋，餐牌都係大路菜式，燒五花腩由韓國oppa主理，出品一般，試過就算。餐廳若訂位要有最低消費，我忘記幾錢了。若walk-in就唔使。

小菜唔吸引

8/2021光顧

網上評價不俗，餐廳喺尖東的商場內，由韓國人經營，店內播放住韓劇的OST，電視又播韓國的綜藝節目，好有韓國feel，餐廳感覺幾地道，食物都唔錯，價錢合理，不過限時個半鐘，食得好趕，無時間細心品嘗味道，唔記得咩味了，不過肯定唔係差。

7/2021 光顧

唔知係咪我黑仔，去親大商場內試新嘢通常無好結果。話說去開太古城，見到呢間新派韓食評價不俗，鎖定目標幫襯。不過無想過餐廳係半自助形式，行來行去點餐攞餐具有點煩。食物味道一般，我試左兩款食物，一ok一唔得。不過餐廳裝修精緻，好有少女feel，食物present好靚，餐牌都影得好靚，啱晒打咭。高級快餐，試過就算。

7/2021光顧

朋友又帶我去食好嘢。韓國人開的餐廳，食物就似我喺韓劇見到的一樣，最好食係炸雞，我平日唔多喜歡食炸嘢，去到韓國點過炸雞都唔覺特別好食，喺度食完後就明白點解韓劇內的人咁鍾意食，原來真係好好食👍🏻餐廳去過兩次，第一次我自己同朋友去，食得唔多，第二次去就唔同了，因為朋友係熟客，我完全唔使點菜，由佢發辦，食左多款菜式，好開心。

3/2021光顧

又係韓劇後遺症。睇到劇中人成日飲一種奶白色的酒，好似好好飲，原來叫馬格利，即係韓國米酒，朋友介紹話呢間餐廳有新鮮的生酒，所以去試下。餐廳似韓式居酒屋，幾熱鬧，我醉翁之意只在酒，一去到就急急打開drink list，真係好多選擇，之後點左幾樣小菜，出品普通，韓食口味偏重，間中食下好了。

2/2021 光顧

前兩日分享左網上訂泡菜，但始終唔係成日開團，若口痕想食泡菜，我會去呢間。之前喺中環結志街開，始終要上山，唔多就腳，有日行經沙田新城市廣場，見到有分店，呢間就腳好多。繼續提供多款韓食，泡菜、熟食、已醃製食材都有，只做外賣，我試過泡菜及飯卷，水準不俗，有興趣可以試下。

都是韓劇惹的禍，搞到我飲食習慣都韓化左。最近除左喜歡喺公仔麵內加隻蛋，仲鍾意配泡菜食，但我唔鍾意超市一盒盒的泡菜，嫌d汁太杰及味道太假，所以無買。最近朋友喺網上訂韓國直送泡菜，我又湊熱鬧。分別訂左白菜及蘿蔔泡菜，兩款蔬菜都爽脆，蘿蔔更食到清甜味，酸辣味唔算太濃，無左人工化的味道，好正。

韓國人通常喺每年的年尾做泡菜，所以唔係成日有得賣。買左一次之後覺得好食，好彩之後又再開團，結果每樣買多兩盒，可以放成年慢慢食。

11/2020光顧

呢餐新派韓菜真係得啖笑。餐廳係韓國名店個chef過來香港開的餐廳，走精緻韓菜路線，朋友食過韓國店讚不絕口，見雜誌介紹就立即訂位，但已經排喺兩個月後，無所謂，我又唔心急，不過見咁火紅，都有點期待。到差不多食的日子，睇下網上分享，個個讚到飛天，但我睇相就覺得唔多對路，用餐時間仲要分兩輪，想縮沙，不過得到食友鼓勵：「未食過就無得話唔好食嘛」，決定去馬，結果如我所料，完全唔啱我口味，所謂結合傳統的新派韓菜，我就覺得兩頭唔到岸，雖然比傳統韓菜精緻，味道亦較清淡，但變化後只覺得食緊普通西餐，食材亦唔見得高質，七道菜，份量少，物非所值，我唔識欣賞，都係幫襯番傳統韓食店好了。

10/2020光顧

4/2020 光顧

韓國燒肉店，大路菜式，食材一般，但重點推介濟洲黑毛豬五花肉，豬肉有彈性，油脂豐腴，烤香後剪開加kimchi 用菜夾住食，超滿足！下次來只點呢味👍🏻

9/2019光顧

(配菜好味但每碟份量少)

6/2017 光顧

甚少食韓國菜，若果要食都係食果幾間傳統店，新式的oppa店恕我年紀大，唔識欣賞。多年來都食新羅寶，但上一次食到火鬼滾，將d食物燒到乾爭爭，侍應態度散漫，愛理不理，所以好一排無幫襯。最近朋友話要食，又順佢意。點知今次又出奇地好，唔知以為係分別去左兩間店，水準咁唔穩定的餐廳，我唔會揀，陪朋友就例外。

6/2017 光顧

(餐廳外觀醒目，喺舊樓群中好突出)

11/2015光顧 

我對韓國料理興趣不大，每次總係應朋友要求至食，但都試左唔少，其實傳統的韓國餐廳菜式都差不多(所以無咩心機寫😜）。此店位置較隱蔽，入口在大厦之內，佔兩層，有户外坐位，地方企理。菜式都係一般傳統韓國料理應有的菜式，食物味道偏重，我就麻麻。

9/2015光顧 

近年開左好多新派韓燒，但大多數坐得唔舒服，一係就要在外排隊，排餐懞仲要限時，我老人家無咁好精力，都係光顧老牌菜館算了。以往通常食新羅寶同名家，可惜兩間招呼已大不如前，而且價錢貴又限時，想起呢間在漆咸圍開業多年的店，又試下。店內侍應都係呀朱媽，韓國菜我每次點的都差不多，只想簡簡單單的食個牛肋骨煲，炒粉絲，唔使咁多花考。呢度食物好足料，簡單扎實，但味道普通，就似去首爾的地道小館，不過星期六都坐唔滿，可能都去排隊食炸雞了。