目前分類:西餐-其他 (113)

瀏覽方式: 標題列表 簡短摘要

IMG_2414.JPG

3/2017 光顧

朋友宴客,選食素菜。自訂菜單,因為人多,似乎點左餐牌上大部分菜色。估唔到素食都可以咁多花款,色彩繽紛,食的時候確實好開心,好好味。可惜其實味精重,食完後好口渴。

文章標籤

Hearoom 發表在 痞客邦 留言(0) 人氣()

IMG_0847.JPG

2/2017光顧

睇個名就知夠禪。為左呢間餐廳,我真係三顧草蘆 : 第一次放假,等二次無開,第三次來至成功。餐廳以品茶,賣茶為主,格調清雅,播住柔和音樂,靜靜的嘆茶用餐,的確寫意,食物又好味。餐廳逢星期三休息,間中又有包場或工作坊,去之前記得先打電話查詢。

Hearoom 發表在 痞客邦 留言(0) 人氣()

IMG_1792.JPG

1/2017光顧

今晚在坐四個人,其中分別有兩人的朋友試過都話好食,諗住無死錯,結果希望愈大,失望愈大。餐廳位於荔枝角工廠大厦內,離地鐵站有一段距離,但晚餐4course都要接近四舊,不過都開始習慣呢區的高價位。可惜質素跟唔上價錢,廚師應該好努力想創新,做高級嘢,但似乎唔多成功,起碼今晚在坐的四人都唔buy,擺碟無美感,只係畫彩色糖醬落隻白色碟,問左有無轉過廚師,答案係無,可能今晚做廚的心情唔好?定係我無食神?餐廳由地鐵站行去G神話要七分鐘,近山邊,轉彎又轉彎,區外人真係要靠G神。

文章標籤

Hearoom 發表在 痞客邦 留言(0) 人氣()

IMG_0068.JPG

12/2016光顧

好心地集團的新開的高檔food court,開在中產屋苑太古城內,唔荒無生意。food court 內有不同檔口 : 三文治、high class 茶記、pasta、飯團店,另有兩間餐廳 分別提供飲茶同東南亞菜,地方寬敞舒服,我被雜誌介紹的原個芝士松露炒意粉同炸雞蛋飯團吸引來到,食完結論係唔洗特登來

文章標籤

Hearoom 發表在 痞客邦 留言(0) 人氣()

IMG_8784.JPG

一訪 :

http://hearoom.pixnet.net/blog/post/337390613-10-2016%C2%A0光顧%C2%A0hami-harmony%40

文章標籤

Hearoom 發表在 痞客邦 留言(0) 人氣()

IMG_2952.JPG

10/2016 光顧

女子當自強,又一間夢想成真小店。雜誌話女廚師係甜品高手,而家再上一層樓,開咖啡店。餐廳裝飾清雅得來好女仔,在舊鋪群中頗突出。去開附近經過食個lunch,set lunch 點左忌廉汁意大利鵝肝雲吞配雜菜,包餐湯,飲品另計。 餐湯磨菇湯稀左d又咸左d,主菜個雲吞雖然係外來貨,但味道又唔錯,配菜用bb椰菜同翠玉瓜,忌廉汁加洋蔥,咁多蔬菜,感覺健康。餐具的式可愛,另點的咖啡都ok。好多時會過來呢邊,應該會再來。

文章標籤

Hearoom 發表在 痞客邦 留言(0) 人氣()

IMG_2575.JPG

10/2016 光顧

長沙灣開左好多餐廳,試過幾間價位都唔低,今次朋友點名想來,又試下。之前睇介紹餐廳特色係以火車做主題,餐廳內部設計就似火車卡,兩面牆掛上LCD ,放影住店主在歐洲旅行坐火車時拍下的窗外風景,幾有心思。食物配搭有心思,擺碟唔錯,但味道一般,食完唔會有記憶,份量唔多,試過就算。另外洗手間在餐廳的閣樓,但入口在後巷,後巷雖然乾淨,但都唔方便。

文章標籤

Hearoom 發表在 痞客邦 留言(0) 人氣()

IMG_2593.JPG

10/2016 光顧

已經多年無在鯉景灣食飯,印象中大部分餐廳係食環境,臨海半露天餐廳,客路以中產為主,每間餐廳的菜牌都差不多,食物質素普通,試過幾間以後都無再來。今次係友人提議,餐廳主打西洋海鮮,生食應該係新鮮,但因為有小朋友,全部都點熟食,我點左大半個餐牌的食物,食物差強人意,太多味精,食到條脷都鞋,懶得介紹。招呼麻麻,個外籍侍應漫不經心,攞碟加水樣樣要提,落漏單又出錯單,我落就可以賴我英文差,但朋友英文唔錯,好明顯係佢有問題。到最後賠罪兼free兩個兒童餐比我,再送兩張coupon,但你認為我會再去嗎?

文章標籤

Hearoom 發表在 痞客邦 留言(0) 人氣()

IMG_3698.JPG

(左邊係Irish harty 味較淡,右邊係肥美的Arousa ,中間係La Magnifica)

12/2016光顧

文章標籤

Hearoom 發表在 痞客邦 留言(0) 人氣()

IMG_2643.JPG

7/2016 光顧

法式小館,菜式有心思,用心煮,但味道有點重手,餐廳解釋係用來伴酒食,所以重手d。Pasta 唔錯,其他就麻麻。擺碟係一大敗筆,亂糟糟,D碟邊總係搞到污糟辣蹋咁,裝飾碎濕濕,alfalfa 大泛濫(大部份西餐的通病) 我一見就皺眉頭。若住附近想食個似樣的西餐,又唔想去咁遠,都係一個選擇,不過就未必要特別去。因為價錢唔平,連加一平均main course 收三舊,Pasta 收兩舊,entree 、湯收一舊,呢個係銅鑼灣尖沙咀區價錢。諗住同住附近的朋友隨隨便便食一餐,結果食左五舊水一個頭,對我個銀包來講真係有點意外。

文章標籤

Hearoom 發表在 痞客邦 留言(0) 人氣()

IMG_1873

7/2016 光顧

朋友見我上次post 張相嘆茶,又話想試,唯有短時間內再來,對我來講好少有。今次點左早餐加個二人brunch,價錢當然唔係抵食,不過可以由10點坐到3點,而且食物唔錯,果汁main course甜品靚茶慢慢上,咪當老人家嘆早茶囉,不過今次就西d 呢間餐廳我最欣賞係每一道菜的sauce,幾特別。

文章標籤

Hearoom 發表在 痞客邦 留言(0) 人氣()

IMG_1888

6/2016光顧 

睇訪問,話廚師做開高級法國菜,開餐廳係希望將法國菜平民化,流落民間,令平民都可以試到,所以改呢個名。個名無改錯,因為食完之後一d都唔覺得曾經貴族過。普通一間西餐廳,同法國菜扯唔上關係,若認為有鴨脾就係法國菜,咁就ok囉。又或者根本成街都已經係「法國菜」,所以突出唔到。cafe 食物餐廳價錢,可能我帶住點點期望入去,所以有點失望。

文章標籤

Hearoom 發表在 痞客邦 留言(0) 人氣()

IMG_3249

最喜歡週末來一個豐富早餐,慢慢嘆,好享受。餐廳的egg benedict 幾出名,我係班尼迪粉絲,當然要試。單點$148,套餐$188包菓汁,甜品同茶,唔洗諗,一定係套餐,飽死至算。結果一條友睇下書,慢慢食左三個鐘,其實即係brunch,抵哂。

 

文章標籤

Hearoom 發表在 痞客邦 留言(0) 人氣()

IMG_3202

5/2016 光顧 

餐廳開業多年,當年歐陸式花園設計,賣花茶輕食,OL的心水店之一。今次來食早餐,好豐富的早餐,家庭手作feel,無花巧。可惜食物麻麻,似乎退步不少。同老闆娘講開,原來銅鑼灣店與同區的另一分店都已經結業,原因又係老問題 : 貴租請人難,老闆意興闌珊,已經返回大陸開店,聽講仲發展得唔錯,呢間因為係原祖店,所以唔捨得放棄。聽完又循例唏噓左一陣,但都習慣了,有得食得就食吧。

文章標籤

Hearoom 發表在 痞客邦 留言(1) 人氣()

5/2016光顧 LAVA bar & restaurant @太子

酒吧加餐廳。餐牌雖然小食pasta据扒甜品都有,但選擇唔多,加上我興趣不大,所以只點左兩個小食同兩杯飲品。慢煮牛腩刈飽,牛腩香,洋蔥汁惹味,刈包甜甜地軟糯有咬口,整個配合唔錯。温泉蛋薯粒,香口飽肚,不錯的伴酒小食。朋友報告檸檬啤酒味淡,我杯mojito 都係好淡口(無影相)。

IMG_3196

文章標籤

Hearoom 發表在 痞客邦 留言(0) 人氣()

IMG_3177

(散點的炸魚薯條魚肉新鮮,用薄薄的炸漿包住,味道唔錯。薯條係原個薯仔切再炸,good。)

5/2016光顧

文章標籤

Hearoom 發表在 痞客邦 留言(1) 人氣()

IMG_3042

4/2016 光顧 

成日以為呢間餐廳好貴,因為之前的Dominica真係幾貴,所以一直無光顧。餐廳環境幾好,在PP 4樓平台,室內裝修Morden 簡約,又可以坐室外,在冬日陽光下用餐應該唔錯。咁嘅格局,食物出奇地唔算貴,lunch百零蚊一個dish,又有兒童餐,食物質素唔錯,幾適合weekend來食個brunch 再行下香港公園。

文章標籤

Hearoom 發表在 痞客邦 留言(0) 人氣()

IMG_3026

(門口係普通office )

文章標籤

Hearoom 發表在 痞客邦 留言(0) 人氣()

IMG_7205

3/2016光顧  

正店在西環,之前曾經想試,但去到門口聞到陣油益味就過門不入。見觀塘開分店,近近地加上雜誌寫得唔錯,去試下。結果都係唔太滿意。魚肉雖然滑,但好厚,似食炸魚扒,厚切薯條炸得乾身,不過始終覺得隻油好膩。意粉係最簡單的香辣蒜片意粉,廚師唔手軟,蒜片、辣椒同油都好多,唯獨意粉較少,所以夠香但油淋淋。呢度食物碟頭細,兩個人食完兩碟都唔飽,但質素普通,唔再追加食物,去第二度食就算。

文章標籤

Hearoom 發表在 痞客邦 留言(0) 人氣()

IMG_3471

3/2016 光顧

經過好多次,裝幾靚但餐牌唔吸引,每次都行過就算,今次在附近揀來揀去都無心水,想起就試下,結果當然又係試一次便夠的餐廳。唔可以話難食,只係無個性,價錢又唔值的餐廳。

文章標籤

Hearoom 發表在 痞客邦 留言(0) 人氣()