Foodie 生活雜誌

上次食過乳豬蛋糕，今次係油雞蛋糕。造型幾迫真，切開係海綿蛋糕，外皮頗硬，無食。不過呢類蛋糕顏值為先，其他都不重要了

喜歡食bagel，去過cafe Bforbagel by 404 LOT FINE，幾喜歡佢地出品的bagel，原來有得網上訂，有多款口味，可以放喺冰箱保存一個月，喺食之前的一日放喺雪櫃下格解凍，再焗番熱就得。上次訂左多款口味，有甜有咸，款款都唔錯。小店不時有新口味，有興趣可以試下

1/2023 光顧

入去大澳朋友仔度打邊爐，佢淥左一煲魚肚，魚肚質感好唔錯，夠厚身，咬落軟綿得來帶點爽脆，放喺火鍋內，索哂麻辣湯汁，好惹味。讚朋友咁有心機整魚肚，佢話我諗多左，其實魚肚買回來時店家已處理好，只需浸番軟就食得。咁當然立時去買……比朋友整比我食🤣🤣店家的薏米水都好好飲，足料夠濃，比起一般薏米加水的製成品好飲得多👍🏻

1/2023 光顧

去到新都城諗唔到食乜，記得睇過呢間餐廳有好評，一於試下。海南雞無乜味，雞肉唔夠滑，其他食物都普普通通，刞有印象係例湯，味道好濃，飲完唔口渴，唔錯。

10/2022光顧

康城商場又一新食肆，我將佢同樂天皇朝撈亂左，係咁喺餐牌上揾小籠包，點知原來餐廳食星加坡菜。講真，我對呢類連鎖店無乜期望，但估唔到食物味道唔錯喎，餐牌選擇多，點左幾款菜式及甜品都有水準，係康城商場內的一個好選擇。

朋友請我食小店出品的「阿嫲花生酥」，食完覺得幾好食喎，又買左幾盒請身邊人食，食完個個都話好食。我平時好少食呢d口立濕，但呢個細細粒容易食，酥皮鬆化，内裡有花生粒、花生醬，花生味好濃。因為無防腐劑，記住兩星期內要食完呀！小店仲有多款糕點出品，上次老闆仔請我食的麻糬鳳梨酥都好食，鳳梨饀新鮮，麻糬軟糯，焗熱來食，酥皮更酥化，拍得住台灣名牌出品👍🏻小店由幾個年輕人落手落腳做，有心有力，祝佢地生意蒸蒸日上🎉

花生酥有兩個size，呢個係大size

9/2022光顧

喺昨日分享的氣餒餐廳食左幾個菜後，雖然唔夠飽，但都要止蝕，唔好再點，之後朋友提議去附近呢間甜品店再續。肚餓又要食甜品時，我最喜歡食喳咋，有多款豆、西米及芋頭，感覺健康之餘又飽肚，呢間整得唔錯，材料煮得夠稔又有椰香，叫做補番之前嗰餐條數。餐廳其他出品賣相都唔錯，花款同好多人龍甜品店差不多，有連鎖店的感覺😆

7/2022光顧

foodie友推介的牛肉麵，一間台式食店，以為係小店，原來地方比我想像中有規模，懷舊老街裝修好有心機。菜式選擇多，味道不俗，價錢合理，值得光顧的餐廳。

1/2022光顧

海南雞飯係外賣之選。雞飯水準不過不失，但我好欣賞外賣盒的設計，尤其係個三格盤裝醬汁，好骨子。

之前喺店家食過私房菜，水準不俗，當時已對食物包有興趣，但我好少煮食，所以無幫襯。但近來疫情之下焗住自煮，我唔鍾意食外賣，自己又唔識煮，煮來煮去嗰幾樣，又唔好食，加上平日無時間整餸，呢個加熱食物包就啱我。

5/2021 光顧

經過見到呢間店，個名同門面都幾吸引，原來係台灣小食店，入去試下碗牛肉牛筋麵。碗麵賣相吸引，湯底味道唔錯，但可以再濃點，牛𦟌軟腍唔平均，部分柔軟，部分有點乾鞋，牛筋夠腍，但兩者都唔夠入味，若要喺同區食牛肉麵，我會去另一間。不過餐廳仲提供多款台灣小食，如蛋餅、大腸麵線、滷肉飯等，我見隔離枱的蛋餅賣相不俗，下次有機會再試下。

4/2021 光顧

4/2021 光顧

茶座，感覺懷舊休閑。雖然餐廳喺馬路旁，但隔左排樹，喺小徑駛車入去，環境截然不同，坐喺室外食個餐蛋治，似小時侯落樓下食早餐的感覺。餐廳喺大屋的地下，local茶餐廳，半自助，好casual。好多行山客幫襯，女店主好有禮貌，蓮子蓉咁嘅面口，令人如沐春風。

朋友介紹食呢隻韭菜餅，皮薄餡靚，韭菜味清香，唔會太濃，菜多肉少，每盒12個，煎香當小食，因為始終係煎，所以我喜歡加上泡菜做topping，減低膩滯感。食唔哂可放冰箱。買兩盒已能夠免運費送貨，掃二維碼再payme 比錢，用foodpanda送到門口，超方便，極少自己網購的我都覺得係一個良好經驗👍🏻

喺某餐廳食飯時，每次以雞蛋入饌的菜色所用的雞蛋的蛋汁都好濃，我問餐廳用咩蛋，佢話用太陽卵，可惜當時佢比我睇的牌子上網揾唔到，結果不了了之。某日喺報紙睇到呢隻太陽卵，雖然包裝唔同，但都買來試下。

1/2020光顧

9/2019光顧

門面簡單，幾張摺枱摺櫈就係堂食地方(相片取自網上)

sogo supermarket 一向好受歡迎，而家裝修完，呢期更hit，我當然要湊熱鬧。新裝修，夠光猛，地方闊落左dd，貨架唔高，減少壓迫感，行得比以前舒適，貨品以日本貨為主，我就覺得幾齊全，至於價錢我通常唔使睇，因為根本唔會買😜反而對超市內的熟食檔有興趣，「掃街」掃得好開心，搞到八達通都要增值。另外禮品部都引入左好多新牌子，熟悉的糖村，杉養蜂蜜等都有，仲有我最愛的山本海苔，以後去日本之前要來睇下先，唔使抬得咁辛苦。

同事Miss Funny去梁九記買左幾款蛋糕做散水餅，分別係lemond cheese cake, blueberry cheese cake ,日式芝士蛋糕同芒果千層蛋糕，款款都好味。其中我最喜歡芒果千層蛋糕，一層薄餅一層cream一層芒果，夾埋似食鮮芒果雪糕，另外日式芝士蛋糕都唔錯，勝在夠平。不過梁九記勁多人，又未必次次齊貨，所以好多謝Miss Funny咁有心，山長水遠一早入去大埔買完再番工，仲請左我食好多舊。Miss Funny，祝你有美好的前程，繼續你的funny mode。