永遠的愛麗絲
記憶係人生寶貴的財產，由出生起一路累積。女主角係生活美滿的語言學教授，在50歲生日後突然患上罕有的腦退化症，作為一個優秀學者，知識就係最寶貴的資產，一生成就都在腦中，可是當記憶一點一點流走卻無法阻止時，如何面對？只能活在當下。一個好的演員就能做到不似演戲，但你會為戲中的她喜而喜，悲而悲。女主角的演出令我感受到一個腦退化患者的恐懼同無助，演講的一幕喊死我，記住帶定紙巾入塲。
目前分類：電影 (97)
- Feb 09 Mon 2015 23:16
永遠的愛麗絲
- Feb 06 Fri 2015 11:07
美國狙擊手
戰爭係一個大題目，不同導演有不同取材，呢套真人真事改編，一個軍人狙擊手的傳記。主角的一生都展示在電影中，角色立體，一個軍人的心路歷程，戰爭對佢的人生，家庭等影響都有仔細描寫，結尾一塲槍戰戲幾緊湊，結局更加係諷刺。但整體並不太精彩，而且又係離不開美國精神，妖魔化對家，公式內容，但呢套較多著墨於軍人離開戰場回家後的描寫。不過好佩服導演的魄力，畢竟已經84歲！
- Jan 31 Sat 2015 21:02
頭條殺機
頭條殺機
幾爛的一個戲名，一部不錯的電影。多得科技發達，男主角飾演的一個鼠竊狗偷無意中得知售賣新聞片段可賺錢，於是在網上學懂技術，加部攝錄機，變身成突發新聞「記者」。誤打誤撞遇到新聞部主管，學懂何謂新聞「價值」，結果新聞攝影師為了片段能賣錢，新聞製作人為搶收視，保飯碗，只顧提供刺激觀能的影像，嘩眾取寵的標題，煽情徧頗的內容，所有專業操守，新聞真相全拋諸腦後。漸漸走火入魔，製造新聞，自編自導，為求目的，不擇手段。故事節奏明快，內容有意思。男主角的巴斯光年眼，黏淋淋髮型，皮笑肉不笑的表情，成功塑造一個極討厭的角色。
- Jan 30 Fri 2015 00:34
寄生獸
寄生獸
經典日本漫畫改編（我未睇過），電影分上下集（下集4月上），三級（只限血腥，唔好諗錯隔離）外星人先入侵地球人身體，再逐步侵佔地球，呢d故事荷里活拍左N套，不過今次西人變哂日本人，故事內容大概都估到，無特別。不過隻寄生獸幾得意。男主角染谷將太唔錯，戲路廣，多產，感覺係另一個妻夫木聰。
- Jan 23 Fri 2015 17:50
飛鳥俠
飛鳥俠
睇戲名以為係英雄片，其實係借一個過氣明星想翻身的故事來諷刺荷里活生態。主角之前因飾演飛鳥俠一角而走紅，後來因為不想被定型，拒絕再演此角色，之後事業走下坡，想借舞台劇翻身。介紹話係黑色喜劇，但劇中每個角色都好sad，成套戲都好黑色，但絕對唔係喜劇。全片大部份在劇院內拍，拍攝手法幾特別，好多時一個鏡頭直落，有時鏡頭跟住角色走，睇的時候都有點置身劇院內的感覺。
- Jan 18 Sun 2015 16:25
大眼睛奇緣
大眼睛奇緣
故事改編自真人真事，一個有關謊言的故事，內容簡單。男主角講大話講到連自己都分唔出現實與謊言，事實現今社會都有好多呢類人。另外導演諷刺一般人對「藝術」的態度亦令我會心微笑。估唔到Tim Burton會拍一部如此平實的戲。男女主角都演得好好，尤其女主角，睇住佢由白雪公主演到現在的熟女，演技愈見細膩。
- Jan 15 Thu 2015 23:59
魔法黑森林
魔法黑森林
真係唔識欣賞，就算有梅麗史翠普都頂唔住。故事鬆散，個個角式樣子都唔討好，包括做小紅帽同jack的兩個細路，兩個王子更騎呢，好在各人歌喉都唔錯，尤其係飾演灰姑娘的女星，但係歌曲又麻麻地，浪費左我一個睇戲的quota.
- Jan 11 Sun 2015 20:40
我們都是這樣長大的
我們都是這樣長大的
「Before」系列的導演(Before sunset, Before sunrise, Before midnight)，三套都係以對白交待劇情，講兩性關係，睇得好過癮。呢套對白少好多，始終係以孩子為主線。故事講述男孩Mason6歲至18歲的成長足跡。套戲拍左12年，每年拍幾日，四個主要角色做足12年，無換過。比起睇住兩個姊弟角色由小童到青年，無論外貌同心態都變化甚大, 父母角色在勞累的生活中漸漸老去更令我唏噓。時間，就係如此流逝了。再看電影，相信四位主角會比觀眾有更深的感受。
- Jan 11 Sun 2015 00:08
非常4女婿
非常4女婿
之前睇過同一個導演的作品「閃亮人生」，導演以幽默輕鬆正面的手法去描述劇中人如何打破彼此階級觀念同膚色不同的界限，由主僕變為好友，幾好睇，所以今次見同一導演的新作品，毫不猶豫地入塲了。
- Jan 09 Fri 2015 11:20
大英雄聯盟
大英雄聯盟
初初睇見戲名「大英雄聯盟」，「big hero 6」諗住實係Marvel果類戲(我對marvel無興趣），睇埋張poster，個細路造型唔吸引，無想過要睇，但身邊睇過的朋友都大讚。的起心肝入塲，睇完覺得好彩無miss 到。
- Jan 03 Sat 2015 20:28
親愛的，原來是你
親愛的，原來是你
一段感情能否開花結果，緣份同timing 都好重要。男女主角自小青梅竹馬，因為誤會，大家各自結識另一半，女的更因意外懷孕，命運就此改變。男女從來無公平，男的事後可拍拍屁股就走，女的？留住孩子就前途盡毀，不要的則一生後悔，怎麼計都是不公平。之後男女角分別居於不同城市，在成長中各自面對生活、事業、感情、夢想等問題，互相扶持，一路走來，兜兜轉轉，最後發覺原來是你。但現實又怎會有如此美好的結局？(又好似有，想起王菲同謝霆鋒)
- Dec 30 Tue 2014 23:25
太平輪 亂世浮生
太平輪 亂世浮生
入場最大原因係John woo 同金城武。入場前已知係分上下兩集，故事以寫情為主，以為會似睇完龍應台「大江大海1949」後有蕩氣迴腸的感覺，誰知大卡士，大塲面加大時代背景下居然拍不出戲味，何解？而且金城武演後生真的有點牽強。但我應該會看下集，畢竟是吳導的心血呀。好彩下集未必有黃曉明......好彩.....
- Feb 17 Mon 2014 15:11
電影 : 發哥何時回來？
喜歡看周潤發，覺得他的演技很自然，像湯漢斯一類。他可演很多不同角色，像悲劇賽車手阿郎 ，深情男人船頭尺 ，經典有型的mark 哥，武林高手李慕白，古惑騙子黃四郎.....等等。他無演港產片多年，到荷里活發展，扮鬼扮馬的演西片，看見他龜仙人的造型，嚇了一跳。近年回歸中港電影，但看了滿城盡帶黃金甲，孔子，都失望而回。
直至讓子彈飛，在姜文手中的發哥，演出的兩個黃四郎，霸氣鬼馬儍氣奸狡，全無問題，絕對回復神彩！
- Feb 02 Sun 2014 00:31
電影： 金雞sss
自「星星同學會」之後，比較喜歡看吳君如，覺得她很真，説話有guts. 而且近年衣著打扮恰到好處，可能與陳可辛一起後，氣質有點轉變？
近10年無看賀歲片了。今年卻被金雞sss吸引。第一集在電視看，已無印象，第二集更無看過。因為今次有很多明星客串，又猜想不會太胡鬧，所以決定入塲。
- Jan 08 Wed 2014 19:49
電影 ： 接近無限温暖的藍（港譯）
我選擇要看的電影時有幾個要求：首要是故事，其次是演員，有時穫獎也是一個賣點。看此片的原因就是因為穫獎片。原來只是一對情侶的相戀故事，極其普通。可能最特別的是戀人是兩個女的，加上超大膽的性愛塲面，(我並非因此而入塲)，所以才令人另眼相看吧。導演用大量近鏡補足女主角的樣貌，身材，食相，令我看時覺得自己像個偷窺狂，可能是有深度的影片拍攝手法？對我來說，此片只係普通。但兩女主角演得非常出色！
香港食食食 (25)
