Foodie 生活雜誌

今次一行五人，若住酒店要分三間房，住民宿相對平點，所以團長訂左呢間民宿。地點喺JR上野站行十五分鐘的民居内，附近有食店及便利店，生活機能唔錯。若坐skyliner從機場來就喺上野站出，其實去完街應該喺JR鶯谷站或地鐵入谷更近。

 民宿裝修簡約，地方清潔，分兩層，有兩間房，但間格特別，介紹聲稱可住八人，若真係住足八人，一定崩潰。當然好似我地咁住五個人係可以接受，但其中一啤要瞓廳，其他人去厠所出出入入好騷擾，我住過就有點保留了。

今次自由行所有行程住宿全由團長負責，我完全無上心，結果連自己坐咩機都唔記得。話說當日check-in，有旅遊緊張症的我一早已到機場，見到check-in counter大排長龍，即時排隊，仲懶勁以為可以讓遲來的團友慳時間，點知埋counter 時，地勤小姐話無我乘搭嗰班機，嚇到我個心離一離，原來我坐OU卻排左HX，而團友們亦不慎有詐，無想過去左N次旅行的人會犯呢個低級錯誤，連約左我喺機場食早餐的朋友都儍了眼，我呢個偽旅遊達人身份終於被揭穿😅

順利去到東京後，去民宿settle down後，食個晚飯，喺上野阿美橫丁行兩行就休息了。

12/2021光顧

幾個細路話要食日本餐，我當然唔會同佢食Omakase，佢地無要求，於是睇下就近有乜食乜。橫街呢間餐廳有點橫丁feel，兩間店一間係居酒屋一間係丼飯屋，其實兩間相通。我地今次坐丼飯屋，店面好細。食物質素一般，價錢合理，普普通通的餐廳。丼飯造型可愛，細細碗，配料冧到一個小山咁，啱相機食，拉麵不俗。

雜誌介紹話係家庭式泰菜，不過睇個排場，個家庭應該幾富有。餐廳最出名係大頭蝦，我喜歡食泰國大頭蝦，貪佢蝦頭的膏好正，香港食唔到。餐廳喺Thong lo 小巷內的白色小屋，環境清幽。食物質素不俗，價錢合理，可經餐廳的facebook page 訂位。

10/2019光顧

6/2019 光顧

私竇式火鍋店，唔好心邪，係因為間餐廳佈置好有心思，成間個人收藏展館咁，而且房多過散坐，就算係散坐都個個隔開，一般餐廳點會咁搞。食材新鮮，湯底好味，甜品雖然係來貨，但都係高質嘢，喜歡餐廳serve的食物有高級感但唔誇張，房間內有卡啦ok，我就興趣不大，純粹比小朋友玩，房間最低消費$5400，咁嘅格局，當然要付出高一點的代價😁

10/2018 光顧

6/2018光顧 漢發麵家@深水埗大南街

我在附近飲咖啡時見到餐廳一係無開，一係就排哂隊，心諗應該係勁，今次行過，的起心肝入去食。一條友，點個豬潤加腸仔麵。落單時侍應問要唔要埋炸雲吞，話唔點就無，因為只限落一次單，於是我就好似有今生無來世咁，咬一咬牙，點埋佢。碗豬潤麵一上枱我已經呆左，舊舊都厚到似朱唇咁，點KO呢？之後再來碟炸雲吞，實在唔想浪費，問埋同枱的食客有無興趣分兩粒，佢地的反應幾愕然，不過都幫手食左兩件，大家仲講左幾句，分享就係咁快樂。下次各位若見到有條友無端端叫你幫手食嘢，嗰個應該係我，到時麻煩幫幫手😁