目前日期文章:201809 (17)

瀏覽方式: 標題列表 簡短摘要

IMG_5788.JPG

早上check out 離開resort後先往Danhem食早餐,其實醉翁之意不在早餐,係Bakery 出品的酥皮批,昨晚太太買回來,酥皮酥軟奶油滑,灑上糖霜,唔太甜,好好味,今日再來encore買上車做午餐。今晚住宿喺Kalbarri ,沿路會經過shell beach hamelin pool 兩個景點,兩者位於shark bay 世界遺產保護區內,講出來好似好勁咁,其實就算無呢個名譽,兩個咁美麗又特別的景點都好值得去。沿途行下停下,今日終於可以喺日落前到達住宿。今晚間屋好大,小朋友玩到癲。講開小朋友,又講下小故事 : 話說少爺仔同小老闆都要座car seat,今次兩個car seat set埋同一排,兩個都想坐中間,當然有爭拗,大人們主將自己的事自己解決,於是二人自行商量,幾日間從中間位每人坐一日,到每人坐半日,到每人坐一程,到最後決定每次猜拳決定,過程搞笑,見佢地爭拗,玩投票拉票,又商量,全個過程兩位都曾經向大人求助,但我地鼓勵兩人自行決定。最後事情雖然解決,但後患係每次上車前就算外面天打雷劈,都要猜拳先肯上車,吹漲!

 

Hearoom 發表在 痞客邦 留言(1) 人氣()

IMG_6492.JPG

先生係打霧水一族,晨早起身去影日出,港傭一於死跟。感謝好天氣,晨曦中的shark bay 有如油畫一樣靚。大家陸續起床,準時7:30參加resort的海豚導賞團。今日唔多幸運,只見到一條海豚來到,反而晏d在海邊散步遇到三條海豚。完成導賞團後其他團員去洗衫,係,洗衫絶對係節目之一,因為三位小朋友會因為不同事情弄污衣物,所以每到一個住宿都要洗衫,後期我覺得兩位靚媽已成病態,要出手阻止。作為港傭的我,當然要做更艱苦的工作 : 去餐廳揾位,望住個海嘆住咖啡等團友們回來。餐後喺海邊玩,不知不覺一個上午就過去了。

下午開車往鄰近海邊小鎮Denham食lunch閒逛,其實小鎮只得一條街,好彩有個兒童遊樂設施,港傭同小朋友又玩到癲,兩位購物無界限的靚媽當然又去超市shopping 。回程時行第二條路回resort,不經意發現沙洲美景,先生二話不説轉入小路,成團人在沙洲跑跑跳跳,忘記時間,可憐温柔媽買比我的Vienetta 雪糕就此報銷。之後 返回resort欣賞晚霞,再食個豐富晚餐,充實又開心的一天就過去。

Hearoom 發表在 痞客邦 留言(0) 人氣()

IMG_6367.JPG

山長水遠來到,就係為左呢間resortresort 位於Shark Bay,特點係內裡的私人海灣每日都有海豚來訪,住喺resort的住客可以近距離接觸海豚。Resort 規模大,有幾款住宿選擇,我入住的平房設施簡單,對於以旅行住宿逃避香港窩居的我,見到不禁眉頭一皺,太太見到立即講:「靚房無哂,將就下啦」(係咪有點角色掉轉feel?) Resort內設施齊備,有兩間餐廳,味道不俗,我入住的房間無得煮食,要煮可以去公家廚房。海灣風景優美,亦可駕車到附近小鎮Deham散步,休閒地過日子。

 

Hearoom 發表在 痞客邦 留言(0) 人氣()

IMG_6271.JPG

 

今日係移動日,因為車程長,食完早餐就出發。港傭今次純粹跟團,所有行程由太太計劃,港傭只提出幾個要求就無再參予,雖然太太貼心地於出發前比左行程資料我,但我無想過要帶腦,所以無睇。只知道今日車程好甘,景點只有粉紅湖。路上一直天陰陰,開車一小時左右到達粉紅湖,顧名思義,湖水呈粉紅色,陽光普照時更鮮豔,好靚好神奇。大家當然係瘋狂影相,上天眷顧,短短大半小時內,大風、大雨、天晴、天陰的粉紅湖景色都比我地睇哂,心滿意足下離開。之後就係漫長的車程,太太對於車程的報告係有點另類,話說大家坐到呆呆地時,太太突然殺出一句 :「仲有1Km就到!」大家立即醒神,好興奮的同駕駛中的先生加油,但加油期間我有點疑惑,只見四周荒涼,聽講今晚住的係渡假村,可以睇海豚,感嘆西澳真係一個神奇的地方,咁荒涼的地方居然可以有渡假村,地貌仲特別到咁近海都唔覺 (之後都覺得自己天真得可怕),眼見GPS1KM快將行完,太太興奮地講:「終於行完呢條公路,下一條公路係100Km!大家聽到都好驚嚇,不過都唔及揸車嗰個,我喺定驚後先送個「謀殺親夫」的牌匾比太太,再輕拍司機坐的先生膊頭,講句 :「對你的遭遇深表同情」之後,決定瞓陣。過左一千年之後終於到達渡假村,天色已黑,匆匆check in 安頓好,食埋晚餐就瞓覺了。可憐的先生今日揸左六小時車。

Hearoom 發表在 痞客邦 留言(0) 人氣()

IMG_6065.JPG

 

晨早起床,已經見到好客友善的狗狗lucy來了,小朋友同lucy 瞬速建立友誼,玩得不亦樂乎,我就趁先生太太煮早餐時(港傭負責玩😜),趁機在農莊四圍參觀。屋主過來打招呼,話喺農莊附近可以見到野生動物如袋鼠、鴕鳥等,咁大家食完早餐就出發,Lucy都跟住來。點知行極都唔見有動物,雖然我都明白野生動物唔係企喺度等你,但屋主介紹得,應該係農塲之類(後來至知原來屋主介紹的係Greenough Wildlife and bird park),愈行愈唔對路,諗住放棄,但見lucy好似想帶我地去某地方,成班人就跟佢行。行行重行行,真係純粹跟住lucy,見路就行,感覺自在。原來lucy帶我地去海邊睇浪!後來屋主話個海灘就叫lucys beach ! 洶湧的海浪配合藍天白雲,一幅美麗的動畫,大家都忍唔住停下來靜心欣賞,Lucy亦急不及待跳落水玩。到離開時,lucy帶路行先,佢見先生影相影到唔捨得走,居然回頭吠住叫先生離開,非常懂性的狗狗。之後駕車出市區午餐。餐後去公園玩下就回農莊煮晚飯,簡單一天。

Hearoom 發表在 痞客邦 留言(0) 人氣()

IMG_5978.JPG

 

因為先生一句 : 「想住下農莊」,太太立即做嘢,結果亦係全個旅程最喜歡的住宿。Farm house 有點歷史,最初由上一代建成,近年翻新,不過可能家中成員相繼離巢,屋主於農莊另一面起左一間細少少的屋自住,呢間用來租。全屋有4間房,另有徧廳。只得一個衛浴,其中一間房同衛浴的門口喺露台,幾奇怪。廚房設備齊全,大屋有前後花園,仲有友善好客的狗狗Lucy,連一向怕狗的小朋友都同佢玩得不亦樂乎,好一個安樂窩

Hearoom 發表在 痞客邦 留言(0) 人氣()

IMG_5932.JPG

晨早五點幾到perth 機場,先過關,要知道澳洲海關較嚴,我地雖然唔使開喼查,但排左兩轉隊都用左大半個鐘。攞車時又因為攪錯型號,要再安排,結果出到市區已經8點幾,剛好係早餐時間。澳洲的cafe文化我一向甚為欣賞,除左咖啡好之外,食物亦可口,皆因食材新鮮,雖然來來去去都係芝士麵包雞蛋牛油果蘑菇,但唔知點解都好多變化,食得好開心。食完早餐後,自駕遊正式開始。開車往今晚住宿的Geraldton鎮,沿途見到啡色的景點牌就入,亂點揀左個Two Rock’的景點,行完都唔知景點係咩,結果去到商場門口見到張相就明哂。中途喺超級旅客餐廳Lobster Shack 食龍蝦做午餐,估唔龍蝦鮮甜彈牙,幾好食。飯後再上路,去完超市入貨已天黑,先生太太在飛機上無覺好瞓,先生要揸左成日車,太太又要下廚,辛苦哂。

 

Hearoom 發表在 痞客邦 留言(0) 人氣()

IMG_3206.JPG

(原班人馬再出發!)

 

Hearoom 發表在 痞客邦 留言(0) 人氣()

IMG_5804.JPG


Day  1 

Hearoom 發表在 痞客邦 留言(0) 人氣()

IMG_5793.JPG

 

 

Hearoom 發表在 痞客邦 留言(0) 人氣()

444c7818-cfd1-44b3-b339-edddb6823b26.jpg

8/2018光顧

又有朋友聚會,餐廳之前食過覺得唔錯又再來,今次我訂位,更了解狀況。先用whats app 訂位,基本菜單係$300位,啤酒汽水另計,餐酒免開瓶費,啤酒汽水果汁不能帶。可以照基本菜單加加減減,價錢另議,單位內有三張枱,其中一張枱在房內,另外兩張枱在廳,但有屏風相隔。房間以當日最多人的訂枱至可以坐(當然你同佢熟就另計) 地方簡單整潔,因為得一個廚師,上菜較慢,但又正好可以成班好友慢慢吹水,真係有點重拾私房菜的感覺。

Hearoom 發表在 痞客邦 留言(0) 人氣()

IMG_5831.JPG

 

見到好評頗多,又試下。裝修可愛的小店,食物非常一般,只能講係越式食品,有形無神,味道唔到位,飲品提供不足,要咸檸七無汽水,要啤酒未續酒牌,要炒菠蘿冰話無菠蘿,唯有對住做左兩日的暑期工妹妹笑下,怕嚇走埋佢,餐廳連侍應都無。都係嗰句 : 試過就算。

Hearoom 發表在 痞客邦 留言(0) 人氣()

IMG_2851.JPG

 

日式吉列豬扒飯一向徧愛Tokinchi及大户屋,其他的試過都無回頭。今次又試新嘢,位於中環的Porker。店子小小,幾迫夾,帶點日式酒吧的感覺。除左豬扒以外,仲有小食同酒供應,吉列豬扒有水準,但唔突出,椰菜任添,添飯每碗$18。試過就算。

Hearoom 發表在 痞客邦 留言(0) 人氣()

333c7e41-5dd4-4f7d-867f-c01407b4dfc4.jpg

我好少食私房菜,通常係跟朋友去。近年的私房菜無特色,只可以算係有個私隱度高少少的地方坐下,唔使限時限刻走。今次呢間一樣係中菜,不過菜式以海鮮為主,食物不俗,全包宴,每住$300左右,包啤酒氣水白飯,可以自己帶酒,唔收開瓶費

62a51ec8-a188-4367-98fd-9f082499887d.jpg

Hearoom 發表在 痞客邦 留言(0) 人氣()

IMG_2716.JPG

7/2018光顧

唔係朋友介紹都唔知有呢間小店。土瓜灣北帝街有好多不同食店,不過都係街坊食品,無想過有間日本串燒店。小店門面低調,細細間,三十個座位左右。氣氛不俗,食材選料認真,食物出品有水準,廚師用心,串燒燒得有心機,款款都外皮香脆,內裡juicy,味道適中。而且價錢合理,可以放心點菜,侍應友善,小店係同朋友把酒談天的好地方。由於廚師只得一人,上菜速度較慢,不過食串燒就係慢慢傾慢慢食,我覺得問題不大。(有時好矛盾,因為食到好的餐廳會寫得特別多,浪費自己時間😫所以希望大家都比少少時間睇埋相內分享吖😘

Hearoom 發表在 痞客邦 留言(0) 人氣()

IMG_2615.JPG

 

7/2018光顧

Hearoom 發表在 痞客邦 留言(0) 人氣()

IMG_2754.JPG

(小店在橫巷內,隔離有另一間咖啡店,灣仔的咖啡店競爭好激烈)

7/2018光顧

Hearoom 發表在 痞客邦 留言(0) 人氣()