IMG_6044.JPG

一早出發,先往華巖瀑布,途經著名的日本車道百選之一的日光いろは坂 (日本特別多呢類排名,其實唔使咁認真),比車手過下癮。車道分第一和第二いろは坂兩段,一進一出。原本第一站係日光明智平展望台,坐纜車上展望台可以一覽華巖瀑布全景。瀑布好特別,係中禪寺湖底因爲壓力而破出一個缺口,水從缺口向下流,形成瀑布,所以一定要往展望台睇全景至有意思,可惜當日居然遇到纜車維修!殘念!!唯有直接開車往華巖瀑布,但已經唔係嗰回事,若無左個湖,只看瀑布,就係一條普通的瀑布。之後再往東照宮,由於團友們興趣不大,想去宇都宮shopping,所以東照宮無入、神橋都無去,只匆匆在東照宮外圍逛一下就離開。之後往宇都宮行街晚飯。翌日去完outlet 就坐飛機回香港,九天旅程結束。

Hearoom 發表在 痞客邦 留言(0) 人氣()