Foodie 生活雜誌

餐廳主打用蠔做湯底的拉麵，分清湯及濃湯，另有沾麵。我同食友點左沾麵及濃湯麵，湯汁香濃好味，有蠔味。沾麵用「平打麵」，似濶河粉，更加掛麵。師傅好用心煮，見佢擺盤都一絲不苟，對出品好有要求。我幾鍾意呢間麵店，會再來，如果唔使排隊及平少少會更好😁

近年開左好多台灣菜餐廳，對於喜歡食紅燒牛肉麵的我又多咗選擇。小店聲稱唔落味精，仲有圖教埋點食，好認真。我點左牛筋牛肉麵，加溏心蛋再加甜品，出品不俗，雖然碗麵要$90，但想到同碗日本拉麵差不多價錢，就坦然接受了。

和洋式小酒館，提供小食及餐酒，菜式有心思，擺盤靚，但味道唔算突出，食完有點口渴。餐廳氣氛唔錯，同朋友傾下偈，飲下食下，細細碟可以試多幾款。

餐廳喺天后開店時已幫襯，係其中一間我會回頭的cafe，不過位置有點吊腳，而家喺銅鑼灣開店就更好了。食物出品不俗，餐牌有多款選擇，早午晚餐下午茶都有，而且開早上8點，啱哂我呢d晨型人。侍應好nice又勤快，食得開心🥳

朋友仔住附近，買外賣上佢屋企食，揀左呢間粉麵店，牛雜軟稔入味，湯底濃而不口渴。魚片頭彈牙，炸得香口，魚皮脆香，整體出品唔錯，今時今日好難搵似樣的粉麵店，下次有機會坐低食試真d。

選擇住機場附近，又要平的旅館，今次揀呢間唔錯喎👍🏻房間大，簡單清潔，設備齊全，附近有條食街，好多餐廳，適合宿一宵。

早餐後離開温泉旅館，去真駒内滝野霊園 ，點解旅行要去墳場？因為要朝聖囉！我喜歡的建築家安藤忠雄喺園內有作品「頭大佛」，所以特登去。日本市區的靈園見得多，呢個似寶福山一樣的靈園我當然未見過，入面寧靜祥和，連墓碑都同香港唔一樣。離開後諗住去千歲機場附近的Rera outlet，點知門庭冷落，似執笠咁，於是立即離開，開番個半個鐘車去三井outlet。晚餐食左我第一次的便利店食物全餐，之後入住機場附近的遊悠館旅店，又好唔錯喎👍🏻第二日去附近Latao買麵包後直接去機場回港了。行程完滿結束，多謝各位睇左幾個月的遊記😁

一向喜歡較小型的旅館，今次所以選呢間係中型的，完全係被個向海露天風呂所吸引。旅館有好多小設施，又喺不同時段有不同小食供應，由早食到晚，有得食有得玩又有得浸，真係唔怕悶。而且好多細心小節，讚。早晚餐都幾豐富，住得過👍🏻

離開旅館，向下一間温泉酒店出發。一路四野荒涼，鬼影都無隻，間中經過幾間唔明點做到生意的精緻小店，不經不覺到左和牛產地白老町。行過經過唔好錯過，雖然駕駛員唔食牛，我唔理，照樣一人前，不過都分左半份比隔離枱一對中國人夫婦，人地又禮尚往來請我地食沙律，大家傾下偈，自由行的樂趣。下午開始落雨了，天氣又濕又凍，唔想四圍行，飯後直接去温泉酒店了。呢間酒店規模比較大，好多嘢做，好似去左迪迪尼咁，四圍貢下，好忙碌地又一日。

放喺等住名單已有一段長時間，唯一阻礙係價錢高。近年日元低水，決心一賞心願。整體感覺似住博物館，豪華得來低調含蓄，房間寬大，一般高級旅店的用品及設施都齊全，膳食滿意，方方面面都唔錯，但可能我只係住入門版，唔係最高級別的房間，整體的服務及細節都係一般高級旅館的標準，無話好突出，我就無回頭之意，叫做見識過就算。